«Брайтон» клуби Буюк Британия ва Европада биринчи бўлиб фақат аёллар футболи учун мўлжалланган стадион қуриш режаларини эълон қилди.

10 минг томошабинга мўлжалланган аренанинг очилиши 2030/31 йилги мавсумга режалаштирилган. Уни эркаклар жамоаси уй учрашувларини ўтказадиган «Фалмер Стэдиум» (сиғими тахминан 32 минг киши) яқинида қуриш кўзда тутилган.

Клубнинг таъкидлашича, стадиондаги барча шароитлар — кийиниш хоналаридан тортиб вестибюлгача — аёл спортчилар ва аёллар футболи томошабинларининг эҳтиёжларини ҳисобга олган ҳолда лойиҳалаштирилади.

BBC нашрининг хабарига кўра, стадион қурилиши 75-80 миллион фунт стерлингга тушади.