«Манчестер Юнайтед» ҳимоячиси Харри Магуайр январь ойида жамоани тарк этган мураббий Рубен Аморим қўл остидаги давр ҳақидаги хотиралари билан ўртоқлашди. Ҳозирда манкунианликларни Майкл Кэррик бошқармоқда.
«Клубда Рубен Аморим ишлаган вақтда, ўйинларимиздаги имкониятлар нисбати 50 га 50 эди... Аммо баҳслар кўпинча мағлубият билан якунланарди.
Ҳозир эса ҳамма нарса мутлақо бошқача туюлмоқда, биз ҳам ўз жарима майдончамизда, ҳам рақибникида анча яхши ўйнаяпмиз. Ҳимояда анча тартиблимиз, ҳужумда эса анча ишонч билан ҳаракат қилмоқдамиз», — дея Магуайрнинг сўзларини келтиради журналист Фабрицио Романо ўзининг X ижтимоий тармоғидаги саҳифасида.
Ҳозирда «Манчестер Юнайтед» 61 очко билан АПЛ турнир жадвалида учинчи ўринда бормоқда.
