«ПСЖ»нинг грузиялик вингери Хвича Кварацхелия Чемпионлар Лигаси ярим финали доирасидаги «Бавария»га қарши дастлабки ўйинда гол урди. Opta Sports нашрининг хабар беришича, грузиялик футболчи бир мавсум давомида ЕЧЛда самарали ҳаракатлар амалга ошириш бўйича «ПСЖ» рекордини такрорлади.

Эътиборли жиҳати шундаки, у ўз жамоадоши Усмон Дембеленинг рекорди билан тенглашиб олди. Маълумот учун, Дембеле ЕЧЛнинг ўтган мавсумида саккизта гол ва олтита голли узатмани ўз ҳисобига ёздириб қўйган эди. Кварацхелияда эса айни дамда тўққизта гол ва бешта голли узатма мавжуд.