Усмон Дембеле Чемпионлар Лигаси ярим финали доирасидаги «Бавария»га қарши ўйинда (5:4) учта голли ҳаракатни амалга оширди.

«ПСЖ» вингери 33-дақиқада Жоау Невешга голли узатмани етказиб берди. Биринчи бўлимга қўшиб берилган вақтда Дембеле пенальтини аниқ амалга оширган бўлса, 58-дақиқада ўйиндан гол уришга муваффақ бўлди.

Қайд этиш жоизки, Дембеле кетма-кет иккинчи Чемпионлар Лигаси ўйинида дубль қайд этди — бундан аввал Усман 1/4 финал жавоб учрашувида «Ливерпуль» дарвозасига иккита тўп киритган эди. Турнирнинг жорий мавсумида француз ҳисобида 6 та гол ва 2 та ассист мавжуд.

Умумий ҳисобда Дембеле ушбу мавсумда «ПСЖ» сафида 36 та ўйинда майдонга тушиб, 20 та гол ва 11 та голли узатмани амалга оширди.