«Арсенал» ва «Барселона»нинг собиқ ҳужумчиси Тьерри Анри Чемпионлар лигаси ярим финали биринчи учрашувида «ПСЖ»нинг «Бавария» устидан қозонган 5:4 ҳисобидаги ғалабаси ҳақида фикр билдирди.

«Яқинда биз таваккал қилмайдиган жамоалар, алдашга кирмайдиган футболчилар, ғалаба учун эмас, мағлуб бўлмаслик учун ўйнайдиган жамоалар ҳақида гаплашгандик.

Бугун эса жуда кўп таваккал бўлди. Агар сиз ҳимоявий услуб тарафдори бўлсангиз, ҳа, бундай ўйиндан ақлдан озишингиз мумкин... Аммо менга фарқи йўқ!

Биз бир-икки йилдан бери футбол зерикарли бўлиб қолганидан шикоят қилиб келяпмиз, лекин бу учрашув бундай эмасди!

Профессионал жиҳатни четга суриб қўйсак — албатта, таҳлил қилишимиз керак бўлган ҳолатлар бор — менга ўйин жуда ёқди ва уйида томоша қилган ҳар бир мухлис учун ҳам қизиқ бўлган, деб ўйлайман», — деди Анри CBS эфирида.

«ПСЖ» ва «Бавария» ўртасидаги ярим финал жавоб учрашуви бир ҳафтадан сўнг — 6 май куни Мюнхенда бўлиб ўтади.

Ушбу жуфтлик ғолиби финалда «Атлетико» — «Арсенал» қарама-қаршилиги ғолиби билан ўйнайди.