Санкт-Петербургнинг «Зенит» клуби ва Россия терма жамоаси собиқ футболчиси Андрей Аршавин Мадриднинг «Реал» клуби учун энг муносиб мураббий ким эканлиги ҳақида ўз фикрини билдирди.
«Мен учун Моуриньонинг энг юқори чўққиси аллақачон ўтиб кетган. У катта клублар ҳақида унутиши керак. Назаримда, «Реал» учун идеал мураббий — бу Клопп», — деди собиқ футболчи «Матч ТВ» телеканали эфирида.
Эслатиб ўтамиз, мавсум якунига қадар «қироллик клуби» бош мураббийи лавозимини испаниялик мутахассис Альваро Арбелоа эгаллаб туради. Испания чемпионатининг 33 туридан сўнг «қаймоқранглилар» 74 очко жамғариб, иккинчи ўринда боришмоқда. «Реал» пешқадам «Барселона»дан 11 очкога ортда қолмоқда.
