Sankt-Peterburgning «Zenit» klubi va Rossiya terma jamoasi sobiq futbolchisi Andrey Arshavin Madridning «Real» klubi uchun eng munosib murabbiy kim ekanligi haqida o‘z fikrini bildirdi.
«Men uchun Mourinyoning eng yuqori cho‘qqisi allaqachon o‘tib ketgan. U katta klublar haqida unutishi kerak. Nazarimda, «Real» uchun ideal murabbiy — bu Klopp», — dedi sobiq futbolchi «Match TV» telekanali efirida.
Eslatib o‘tamiz, mavsum yakuniga qadar «qirollik klubi» bosh murabbiyi lavozimini ispaniyalik mutaxassis Alvaro Arbeloa egallab turadi. Ispaniya chempionatining 33 turidan so‘ng «qaymoqranglilar» 74 ochko jamg‘arib, ikkinchi o‘rinda borishmoqda. «Real» peshqadam «Barselona»dan 11 ochkoga ortda qolmoqda.
