«ПСЖ» дарвозабони Люка Шевалье жорий мавсум якунида клубини ўзгартириши мумкин. Бу ҳақда инсайдер Николо Скира ижтимоий тармоқлар орқали хабар берди.
24 ёшли француз мавсум давомида россиялик посбон Матвей Сафонов билан рақобатда имкониятни бой бериб, жамоанинг иккинчи рақамли дарвозабонига айланиб қолди. Люка клубдаги ҳозирги ҳолатидан мамнун эмас.
Шевалье Париж жамоаси сафига ўтган йилнинг ёзида келиб қўшилган эди. У «ПСЖ» билан 2030 йилнинг июнь ойи охиригача мўлжалланган узоқ муддатли шартнома имзолаган. Дарвозабоннинг бозор қиймати 30 миллион еврога баҳоланмоқда. Лига 1 жорий мавсумида посбон 17 та ўйинда майдонга тушиб, ўз дарвозасидан 13 та тўп олиб чиқди.
