Лондоннинг «Челси» клуби ярим ҳимоячиси Мойсес Кайседо ёзги трансфер ойнасида клубини ўзгартириши мумкин. Бу ҳақда Football365 нашри хабар бермоқда.
Журналистларга маълум бўлишича, эквадорлик ярим ҳимоячини сотиб олишга Франциянинг «ПСЖ» клуби қизиқиш билдирмоқда. Бироқ Кайседонинг ўзи Париж грандига ўтишни истамаяпти. Мойсес фаолиятини «Стэмфорд Бридж»да давом эттириш ниятида.
24 ёшли ярим ҳимоячи «аристократлар» сафида 2023 йилнинг августидан буён тўп суриб келмоқда. Футболчининг бозор қиймати 110 миллион еврога баҳоланган.
Премьер-лиганинг жорий мавсумида Кайседо 29 та ўйинда майдонга тушди. Эквадорлик футболчи ўз ҳисобига учта гол ва битта голли узатмани ёздириб қўйган.
