Мадриднинг «Реал» клубида янги мураббий алмашинуви яқинлашмоқда. Альваро Арбелоа мавсум якунида бош мураббийлик лавозимини тарк этиши деярли аниқ – унга аллақачон ўринбосар қидирилмоқда.
Машҳур журналист Хосеп Педреролнинг маълумотига кўра, «қаймоқранглилар» Юрген Клопп ва Жозе Моуриньо номзодлари ўртасида танлов ўтказмоқда. Ҳозирда немис мутахассиси «Red Bull» футбол бўлими раҳбари лавозимини эгаллаб турибди, португалиялик мураббий эса «Бенфика»ни бошқармоқда.
Миш-мишлар Клоппни анчадан бери «Реал» билан боғлаб келади, бироқ «Ливерпуль»нинг собиқ устози мураббийлик фаолиятига қайтиш нияти йўқлигини бир неча бор таъкидлаган. Моуриньо эса аввалроқ, 2010 йилдан 2013 йилгача «қироллик клуби»да фаолият юритган.
