Madridning «Real» klubida yangi murabbiy almashinuvi yaqinlashmoqda. Alvaro Arbeloa mavsum yakunida bosh murabbiylik lavozimini tark etishi deyarli aniq – unga allaqachon o‘rinbosar qidirilmoqda.
Mashhur jurnalist Xosep Pedrerolning ma’lumotiga ko‘ra, «qaymoqranglilar» Yurgen Klopp va Joze Mourinyo nomzodlari o‘rtasida tanlov o‘tkazmoqda. Hozirda nemis mutaxassisi «Red Bull» futbol bo‘limi rahbari lavozimini egallab turibdi, portugaliyalik murabbiy esa «Benfika»ni boshqarmoqda.
Mish-mishlar Kloppni anchadan beri «Real» bilan bog‘lab keladi, biroq «Liverpul»ning sobiq ustozi murabbiylik faoliyatiga qaytish niyati yo‘qligini bir necha bor ta’kidlagan. Mourinyo esa avvalroq, 2010 yildan 2013 yilgacha «qirollik klubi»da faoliyat yuritgan.
