Мадриднинг «Реал» клуби Юрген Клоппни бош мураббийлик лавозимини эгаллашга кўндириш ниятида. Гарчи германиялик мутахассис мураббийлик фаолиятига қайтиши ва Мадридда ишлаши ҳақидаги миш-мишларни бир неча бор рад этган бўлса-да, журналист Хосеп Педреролнинг янгиланган маълумотларига кўра, «қироллик клуби» энди «Ливерпуль»нинг собиқ устози розилик беришига ишонмоқда.

Эслатиб ўтамиз, Юрген Клопп 2024 йилда мураббийликдан кетган эди. 2025 йил бошидан буён у Red Bull компаниясининг футбол бўлими раҳбари лавозимида ишлаб келмоқда.

Шунингдек, Альваро Арбелоанинг ўрнини эгаллаши мумкин бўлган яна бир номзод сифатида сўнгги пайтларда айни дамда «Бенфика»да фаолият юритаётган Жозе Моуринью тилга олинмоқда.