«Ал-Аҳли» ҳимоячиси Мериҳ Демирал Саудия Арабистони чемпионати доирасида «Ан-Наср»дан қабул қилинган мағлубиятдан сўнг (0:2) ҳакамлик ҳақида очиқчасига гапирди.

Жорже Жезуш жамоаси Криштиану Роналду ва Кингсли Команнинг мос равишда 76 ва 90-дақиқаларда урган голлари эвазига ғалаба қозонди.

«Тўғрисини айтсам, ақл бовар қилмайдиган ҳакамлик. Шунчаки оёғимга қаранг! Барча қарорлар «Ан-Наср» фойдасига. Уларга ҳар мавсум ёрдам беришади. Бу шунчаки даҳшат. Биз — «Ал-Аҳли»миз ва ҳеч қандай четдан ёрдамсиз, доимо совринлар учун курашишимиз билан фахрланамиз», — дея журналист Фабрицио Романо Демиралнинг интервьюсидан иқтибос келтиради.

«Ан-Наср» 79 очко билан турнир жадвалида пешқадамлик қилмоқда, «Ал-Аҳли» эса 66 очко билан учинчи ўринда бормоқда.