«Бетис» клуби марказий ҳимоячиси Натан фаолиятини «Барселона»да давом эттириши мумкин. Журналист Рохер Тореллонинг хабар беришича, 25 ёшли бразилиялик футболчининг хизматлари Каталония грандига таклиф қилинган.

Тахминларга кўра, ушбу трансфер «кўк-анорранглилар»га тахминан 30 миллион еврога тушиши мумкин. Қайд этилишича, «Барселона» учун асосий нишон ҳамон «Интер» ҳимоячиси Алессандро Бастони бўлиб қолмоқда. Бироқ Натаннинг номзоди италиялик юлдузга нисбатан анча арзон муқобил вариант сифатида кўриб чиқила бошланган.

Маълумот ўрнида, жорий мавсумда Натан «Бетис» либосида барча мусобақаларда 41 та ўйинда майдонга тушиб, битта голли узатмага муаллифлик қилди. Transfermarkt портали футболчининг бозор қийматини 25 миллион еврога баҳолаган.