«Барселона» клуби тарбияланувчиси, айни дамда ижара асосида «Монако» шарафини ҳимоя қилаётган Ансу Фати ўз жамоасида янги имкониятга эга бўлмаслиги мумкин.
Diario Sport нашрининг хабар беришича, Каталония гранди раҳбарияти 23 ёшли футболчи билан хайрлашиш ниятида. Ҳаттоки Франция клуби футболчини 11 миллион евро эвазига сотиб олиш ҳуқуқидан фойдаланмаган тақдирда ҳам, «кўк-анорранглилар» ҳужумчини трансферга қўйишади.
Қайд этилишича, «Барселона» мутасаддилари Фатининг Франциядаги ўйинида маълум ўсиш бор деб ҳисобласа-да, бош мураббий Ханс-Дитер Флик ва спорт директори Деку клубдаги «яширин қоида»га амал қилишмоқда. Унга кўра, асосий таркибга кириш имконияти паст бўлган футболчилар жамоада қолмаслиги керак.
Маълумот ўрнида, Transfermarkt портали айни дамда Ансу Фатининг бозор қийматини 15 миллион еврога баҳолаган.
