Лиссабоннинг «Бенфика» клуби устози Жозе Моуриньо Мадриднинг «Реал» клуби бош мураббийлиги учун асосий номзодлар рўйхатида қолмоқда.
Тарқалаётган кўплаб хабарларга кўра, португалиялик мутахассис келаётган ёзда «қироллик клуби»га қайтишга тайёр. Таниқли инсайдер Фабрицио Романонинг таъкидлашича, «Бенфика» раҳбарияти Мадриддан расмий таклиф тушган тақдирда «The Special One»ни жамоада олиб қолишнинг иложи йўқлигини тушуниб турибди ва ҳозирда Испания томонининг якуний қарорини кутмоқда.
Маълумот учун, Жозе Моуриньо 2010 йилдан 2013 йилгача «Реал»ни бошқарган. Қайд этилишича, мураббий ва Мадрид гранди президенти Флорентино Перес ўртасида ҳамон илиқ муносабатлар сақланиб қолган.
