Англиянинг «Ноттингем Форест» клуби ўз ярим ҳимоячиси Эллиот Андерсонни сотиш бўйича молиявий талабларини эълон қилди. Журналист Роб Доусоннинг хабар беришича, «лесниклар» 23 ёшли футболчи учун тахминан 120 миллион фунт стерлинг талаб қилмоқда.

Клуб раҳбарияти бу нархни бир неча омиллар билан асосламоқда. Биринчидан, Андерсоннинг Англия терма жамоаси сафида Жаҳон чемпионатидаги муваффақиятли иштироки ва жамоадаги муҳим ўрни инобатга олинган. Иккинчидан, унинг «Ноттингем» билан 2029 йилнинг 30 июнига қадар амал қилувчи узоқ муддатли шартномаси борлиги нархнинг юқори бўлишига сабаб бўлмоқда.

Шунингдек, «ўрмончилар» ушбу баҳони белгилашда 2023 йилда Мойсес Кайседонинг «Брайтон»дан «Челси»га 115 миллион фунт эвазига амалга ошган трансферини андоза сифатида олишган.

Маълумот ўрнида, Эллиот Андерсон 2024 йилда «Ньюкасл»дан 41 миллион евро эвазига «Ноттингем Форест»га ўтган эди. Жорий мавсумда ярим ҳимоячи барча мусобақаларда 44 та ўйинда майдонга тушиб, 3 та гол ва 3 та голли узатмага муаллифлик қилди.