«Ан-Наср» ҳужумчиси Криштиану Роналду Саудия Арабистони чемпионатининг 30-туридан ўрин олган «Ал-Аҳли»га қарши ўйиндан (2:0) сўнг ўз таассуротлари билан ўртоқлашди.
Роналду жамоаси ички чемпионатда кетма-кет 16 та ғалаба қайд этиб, рекорд ўрнатди.
Португалиялик юлдуз мазкур баҳсда бурчакдан узатилган тўпни боши билан дарвозага йўллаб, ўз номини таблога ёздириб қўйди.
Ўйиндан сўнг Криштиану ижтимоий тармоқлардаги саҳифасига: «Олға!!! Биз — «Ан-Наср»миз!!!» — деб ёзиб қолдирди.
Айни дамда 41 ёшли футболчи тўп сураётган жамоа турнир жадвалида пешқадамлик қилмоқда ва «Ал-Ҳилол»ни 8 очкога ортда қолдиряпти, бироқ таъқибчининг заҳирасида битта ўйини мавжуд.
