«Ал-Ҳилол» бош мураббийи Симоне Индзаги Саудия Арабистонидан келган таклифни молиявий сабаблар туфайли қабул қилмаганини таъкидлади.
Индзаги 2025 йилнинг июнь ойида «Интер» бош мураббийлиги лавозимини тарк этганидан сўнг «Ал-Ҳилол»ни бошқаришга киришган эди.
«Саудия Арабистонига амбициялар учун эмас, пул учун боришади. Ёки бошқа воқеликни кўриш, ўзини бошқа муҳитда синаб кўриш учун боришади. Хайриятки, менда ҳеч қачон молиявий муаммолар бўлмаган, бу мен етишмовчилик сезадиган нарса эмас. Миланда менинг ажойиб уйим бор эди, у ердан ҳамма нарсани, ҳатто «Сан-Сиро»ни ҳам кўриш мумкин эди.
Келган таклиф мени ишонтира олди ва мана, мен шу ердаман ва бахтлиман», – деди Индзаги.
