«Ан-Наср» ҳужумчиси Криштиану Роналду яқин орада фаолиятини якунлаши мумкинлиги борасидаги фикрлари билан ўртоқлашди.

«Фаолиятимнинг якуни яқинлашмоқда... Келинг, ҳар бир ўйиндан завқ олайлик. Мен нафақат ҳозирги авлод, балки олдинги ва келаси авлодлар учун ҳам тўп суришда давом этяпман. Ҳатто фаолиятимнинг охирига яқинлашаётган бўлсам-да, бундан кундан-кунга, ўйиндан-ўйинга ва йилдан-йилга завқ оляпман. Бу факт.

Менинг фаолиятим порлоқ бўлди ва мен уни шундай сақлаб қолишни истайман. Мен ҳалиям футболдан лаззат оляпман, голлар уришда давом этяпман. Лекин биринчи навбатда — бу ғалабалар ҳақида. Биз ҳақиқатан ҳам Саудия Арабистони чемпионатида ғолиб чиқишни истаймиз», — дея Роналдунинг сўзларини келтиради Фабрицио Романо.

Жорий мавсумда 41 ёшли Криштиану Роналду «Ан-Наср» сафида барча турнирларда 32 та ўйин ўтказиб, 27 та гол урди ва 4 та голли узатмани амалга оширди.