«Челси» ярим ҳимоячиси Энцо Фернандеснинг агенти Хавьер Пасторе мижозининг Мадридда тез-тез кўриниш бераётгани сабаби ҳақидаги саволга жавоб берди. Оммавий ахборот воситаларидаги миш-мишлар футболчининг «Реал»га ўтиши мумкинлиги билан боғланмоқда.
«Дам олиш кунлари бўлганда, у Мадридга учади, чунки у ерда мен яшайман ва унинг бу ерда дўстлари ҳам бор. Бошқа ҳеч қандай сабаб йўқ. Унинг мақсади — мавсумни «Челси»да яхши якунлаш, Жаҳон чемпионатини муваффақиятли ўтказиш, кейин эса фаолияти қандай давом этишини кўрамиз», — дея Пасторенинг сўзларини келтиради AS нашри.
Жорий мавсумда Энцо Фернандес «Челси» сафида 49 та ўйинда майдонга тушиб, 13 та гол урди ва 6 та голли узатмани амалга оширди. Унинг «кўклар» билан шартномаси 2032 йилнинг ёзига қадар мўлжалланган.
