«Манчестер Юнайтед» Кобби Майну билан амалдаги шартнома янгиланганини расман эълон қилди. 21 ёшли ярим ҳимоячи билан тузилган янги келишув 2031 йилнинг июнига қадар амал қилади.
Аввалроқ тарқалган хабарларга кўра, янги шартномага мувофиқ Майнунинг «МЮ»даги маоши етти бараварга ошади — ҳафтасига 20 000 фунтдан 150 000 фунтгача.
Жорий мавсумда Майну АПЛ доирасида 24 та ўйинда майдонга тушиб, иккита голли узатмани амалга оширди.













