"Челси" жамоаси ўз ярим ҳимоячиси Энцо Фернандесни таркибда сақлаб қолмоқчи. Футболчининг агенти Хавьер Пасторе 25 ёшли юлдузнинг "Реал"га ўтиши ҳақидаги миш-мишларни рад этди. Испания гиганти томонидан катта қизиқиш бўлаётганига қарамай, Пасторе Жаҳон чемпиони бор эътиборини мавсумни "Стэмфорд Бриж"да муваффақиятли якунлашга қаратганини таъкидлади.
Фернандеснинг Мадрид шаҳрини ёқтириши ҳақидаги гапларидан сўнг миш-мишлар авж олган ва бу ҳолат собиқ мураббий Лиам Росеньор даврида футболчининг икки ўйинга четлатилишига ҳам сабаб бўлган эди.
"Тармоқларда гап-сўзлар кўп... лекин ҳақиқат шундаки, ҳеч қандай жиддий ўзгариш йўқ," — деди Пасторе AS нашрига берган интервьюсида. У Энцонинг Испанияга ташрифлари шунчаки дўстлар билан учрашиш мақсадида эканини тушунтирди.
"Мақсадимиз — йилни "Челси"да яхши якунлаш, Жаҳон чемпионатида муносиб иштирок этиш, кейин эса вазиятга қараймиз," — дея қўшимча қилди агент.
Тактик жиҳатдан Фернандес ўзининг универсал эканини исботлади: у Энцо Мареска қўл остида ҳужумкор ролда ўйнаган бўлса, Росеньор даврида кўпроқ ҳимоявий позицияга ўтди. "Челси" раҳбарияти 2032 йилгача шартномага эга бўлган футболчининг юқори бозор қийматини ҳисобга олган ҳолда, унга яхшиланган янги битим таклиф қилишни кўриб чиқмоқда.
Фернандес жорий мавсумда "кўклар" либосида барча мусобақаларда 49 та ўйинда майдонга тушиб, 13 та гол ва 6 та голли узатмага муаллифлик қилди.
