Лондоннинг «Арсенал» клуби ҳужумчиси Габриэль Жезус яна «Милан» қизиқишлари доирасига тушди.

Бразилиялик футболчи аввал ҳам «россонерилар»нинг даъвогарлари қаторида тилга олинган эди, бироқ ўшанда иш жиддий музокараларгача етиб бормаганди. Arsenal Radar хабарига кўра, ёзда ҳужум чизиғини кучайтиришни режалаштираётган Италия клуби турли номзодларни ички муҳокамадан ўтказгач, «канонирлар» форвардини ўз "short-list"ига (номзодларнинг қисқа рўйхати) киритди.

Габриэль Жезуснинг «Арсенал» билан шартномаси келаси йилнинг ўрталарида якунига этади, унинг трансфер нархи эса Transfermarkt талқинига кўра 20 миллион еврони ташкил қилади. Апрель ойи бошида ҳужумчи 29 ёшни қарши олди.

Эслатиб ўтамиз, «Милан» А Сериянинг 34 туридан сўнг турнир жадвалида учинчи поғонани эгаллаб турибди.