«Бавария»да ижара асосида тўп сураётган ҳужумчи Николас Жексон ёзда «Челси»га қайтади.

Мюнхен клуби сенегаллик футболчини сотиб олмасликка қарор қилди, бироқ «кўклар» ҳам уни таркибда қолдиришни режалаштирмаётган кўринади. The Athletic нашрининг маълумотларига кўра, Лондон клуби раҳбарияти ҳужумчини сотиш орқали 60 миллион еврогача маблағ ишлаб олиш мумкин деб ҳисобламоқда. Transfermarkt портали эса футболчини 40 миллион еврога баҳолаган.

Николас Жексон жорий мавсумда «Бавария» сафида 30 та ўйинда майдонга тушиб, 10 та гол урди ва 4 та голли узатмани амалга оширди. 24 ёшли футболчининг «Челси» билан амалдаги шартномаси 2033 йилгача мўлжалланган.