«Манчестер Юнайтед» афсонаси Гарри Невилл келаётган ёзда «қизил иблислар» таркибини кучайтириши мумкин бўлган уч нафар футболчи номини айтди. Бу ҳақда Sky Sports нашри хабар бермоқда.
«Ҳозирда жамоа таркиби учун битта юқори савияли марказий ҳимоячи ва иккита яхши ярим ҳимоячи зарур. Идеал дунёда булар Маркиньос, Деклан Райс ва Ҳарри Кейн бўлар эди. Агар реал вариантлар ҳақида гапирадиган бўлсак, мен Сандро Тонали, Эллиот Андерсон ва Эзри Консани танлаган бўлардим», — деди Невилл.
Ҳозирда Майкл Кэррик бошчилигидаги «Манчестер Юнайтед» Англия чемпионати турнир жадвалида 61 очко билан учинчи ўринни эгаллаб турибди.
