Майкл Кэррик «Манчестер Юнайтед» бош мураббийи лавозимига тайинланиши мумкин.
The Times нашрининг хабар беришича, 44 ёшли мутахассис ушбу ўрин учун асосий даъвогар бўлиб турибди. Клуб раҳбарияти Рубен Аморим истеъфога чиқарилганидан сўнг Кэррикнинг жамоа билан олиб бораётган ишини юқори баҳоламоқда.
Шу билан бирга, кейинги мавсумдан бошлаб «Юнайтед»ни ким бошқариши борасида якуний қарор ҳали қабул қилинмагани айтилмоқда. Номзодлар рўйхатидан, шунингдек, жорий мавсум якунида «Борнмут»ни тарк этадиган Андони Ираола ҳам жой олган.
Ҳозирда «Манчестер Юнайтед» 34 турдан сўнг 61 очко билан АПЛ турнир жадвалида 3-ўринни эгаллаб турибди. Каррик бош мураббий вазифасини бажарувчи этиб тайинланганидан бери манкунианликлар 29 очко жамғаришди — бу ушбу давр мобайнида лиганинг исталган бошқа жамоасидан кўпроқ натижадир.
