Maykl Kerrik «Manchester Yunayted» bosh murabbiyi lavozimiga tayinlanishi mumkin.

The Times nashrining xabar berishicha, 44 yoshli mutaxassis ushbu o‘rin uchun asosiy da’vogar bo‘lib turibdi. Klub rahbariyati Ruben Amorim iste’foga chiqarilganidan so‘ng Kerrikning jamoa bilan olib borayotgan ishini yuqori baholamoqda.

Shu bilan birga, keyingi mavsumdan boshlab «Yunayted»ni kim boshqarishi borasida yakuniy qaror hali qabul qilinmagani aytilmoqda. Nomzodlar ro‘yxatidan, shuningdek, joriy mavsum yakunida «Bornmut»ni tark etadigan Andoni Iraola ham joy olgan.

Hozirda «Manchester Yunayted» 34 turdan so‘ng 61 ochko bilan APL turnir jadvalida 3-o‘rinni egallab turibdi. Karrik bosh murabbiy vazifasini bajaruvchi etib tayinlanganidan beri mankunianliklar 29 ochko jamg‘arishdi — bu ushbu davr mobaynida liganing istalgan boshqa jamoasidan ko‘proq natijadir.