«Бавария» спорт директори Кристоф Фройнд 40 ёшли дарвозабон Мануэль Нойернинг келажаги борасида ўз фикрлари билан ўртоқлашди.
«Албатта, биз Нойернинг агентлари билан алоқада бўлиб турибмиз. Мавсум деярли якунига етди, шу боис музокаралар олиб боряпмиз. Музокаралар яхши кетмоқда, бироқ биз ҳали расмий эълон берадиган даражага етганимиз йўқ», — дея Фройнднинг сўзларини келтирмоқда Bayern & Germany.
Жорий мавсумда Нойер барча мусобақаларда 35 та ўйинда майдонга тушиб, 38 та гол ўтказиб юборди ва 11 та учрашувда ўз дарвозаси дахлсизлигини сақлаб қолди. Дарвозабоннинг «Бавария» билан амалдаги шартномаси шу йилнинг июнь ойи охирида ниҳоясига етади.
