«Bavariya» sport direktori Kristof Froynd 40 yoshli darvozabon Manuel Noyerning kelajagi borasida o‘z fikrlari bilan o‘rtoqlashdi.

«Albatta, biz Noyerning agentlari bilan aloqada bo‘lib turibmiz. Mavsum deyarli yakuniga yetdi, shu bois muzokaralar olib boryapmiz. Muzokaralar yaxshi ketmoqda, biroq biz hali rasmiy e’lon beradigan darajaga yetganimiz yo‘q», — deya Froyndning so‘zlarini keltirmoqda Bayern & Germany.

Joriy mavsumda Noyer barcha musobaqalarda 35 ta o‘yinda maydonga tushib, 38 ta gol o‘tkazib yubordi va 11 ta uchrashuvda o‘z darvozasi daxlsizligini saqlab qoldi. Darvozabonning «Bavariya» bilan amaldagi shartnomasi shu yilning iyun oyi oxirida nihoyasiga yetadi.