«Ливерпуль» бош мураббийи Арне Слот «Манчестер Юнайтед»нинг жорий мавсумдаги ўйинларини юқори баҳолади.
3 май куни жамоалар АПЛ доирасида «Олд Траффорд» стадионида ўзаро тўқнаш келадилар.
«Ўтган мавсумда манкунианликларга қарши ўйнаганимизда, улар турнир жадвалида ҳозиргидек юқори ўринда эмас эдилар. Аммо ўшанда ҳам мен уларнинг футболчилари эгаллаб турган ўринларидан кўра анча кучлироқ эканини айтгандим.
Улар трансфер ойнасида бир нечта харидларни амалга оширишди ва бу ниҳоят уларнинг ўйинчилари қанчалик маҳоратли эканини кўриш имконини берди.
Биз уларнинг ҳақиқатан ҳам кучли эканини доим билардик, энди эса бу турнир жадвалида ҳам акс этмоқда. Эҳтимол, уларнинг ҳафтада фақат бир марта ўйин ўтказаётганликлари кичик устунлик бераётгандир.
Айниқса, Майкл Кэррик бошчилигида улар натижалар борасида барқарорликка эришдилар», — деди Арне Слот.
