«Милан» спорт директори Игли Таре Лука Модричнинг жамоадаги келажаги бўйича клубнинг режаларини очиқлади.

40 ёшли футболчининг амалдаги шартномаси шу ёзда ўз ниҳоясига етади. Бироқ «россонерилар» у билан келишувни яна бир мавсумга узайтиришдан умидвор. Модричнинг ёши клуб раҳбариятини асло ташвишга солмаяпти.

«Биз Лука Модрич янги шартномага имзо чекишига ва яна бир мавсум давомида биз билан қолишига ишонамиз», — дея Таренинг сўзларидан иқтибос келтирмоқда DAZN.

Эслатиб ўтамиз, Модрич «Реал»ни тарк этганидан сўнг «Милан» сафига келиб қўшилган эди. Жорий мавсумда унинг ҳисобида 36 та ўйин, 2 та гол ва 3 та голли узатма мавжуд.