«Барселона» бош мураббийи Ханс-Дитер Флик Чемпионлар лигаси ярим финалида белгиланган 11 метрли жарима зарбалари ҳақида ўз фикрини билдирди.

«ПСЖ» – «Бавария» (5:4) ва «Атлетико» – «Арсенал» (1:1) учрашувларида жами 4 та пенальти белгиланди, улардан иккитаси тўпнинг қўлга тегиши сабабли берилди.

Эслатиб ўтамиз, «Барселона» чорак финалда «Атлетико»га имкониятни бой бериб (0:2, 2:1), мусобақани тарк этган эди.

«Ҳозир бу ҳақда ўйлашни истамайман. Бу аллақачон ўтмишда қолди. Мен ҳар иккала ўйинни ҳам томоша қилдим ва шунчаки улардан завқ олмоқчи эдим», — деди Флик.

Шунингдек, мураббийдан «Барселона» «ПСЖ» ва «Бавария» даражасига чиқа оладими, деб сўралганда, у: «100 фоиз, албатта. Ҳа», — дея жавоб қайтарди.