«Бетис» вингери Антони Неймарни ўзи кўрган энг истеъдодли футболчи деб атади.

«Мен учун Неймар – мен кўрган энг истеъдодли ўйинчи. Мен у билан терма жамоада узоқ вақт бирга бўлдим ва айта оламанки, бу ҳақиқий туғма истеъдод. Ундаги енгиллик одамни ҳайратга солади.

Мен учун у энг зўри. У ва Криштиану Роналду. Криштиану менга кўп ёрдам берган, жумладан, «Арсенал»га қарши дебют ўйинимда ҳам. Аммо Неймар — рақобатдан ташқари. У сабабли «Сантос» ўйинларини кузатиб бораман. Унинг ўзига хос эканлиги кўриниб туради. Унинг жисмоний жиҳатдан 100 фоиз тайёр бўлишига жуда умид қиламан, чунки бу ҳаммамиз учун муҳим», — деди Антони.