Лондоннинг «Арсенал» клуби бош мураббийи Микель Артета «Фулхэм»га қарши ўйин олдидан ўтказилган матбуот анжуманида жамоадаги жароҳатлар мавзусига тўхталиб ўтди.
«Умид қиламанки, «Атлетико»га қарши ўйингача Хаверц тайёр бўлади», — дея Артетанинг сўзларидан иқтибос келтирмоқда The Athletic.
Шунингдек, дербида Мартин Эдегорнинг иштирок этиши ҳам сўроқ остида қолмоқда.
«Кўрамиз, эртага эрталаб аҳвол қандай бўларкин, биз кўп машғулот ўтказа олмадик. Эртага якуний маълумотга эга бўламиз».
Бундан ташқари, ҳимоячи Юрриен Тимбер ҳам мазкур учрашувда иштирок этмайди.
«Арсенал» айни дамда 73 очко билан Англия чемпионати турнир жадвалида биринчи ўринда бормоқда. «Фулхэм» эса 48 очко билан ўнинчи поғонани эгаллаб турибди.
