Мадриднинг «Реал» клубида апрель ойи якунлари бўйича жамоанинг энг яхши футболчиси аниқланди. Мукофот ярим ҳимоячи Арда Гюлерга насиб этди, деб хабар бермоқда Madrid Zone.
Турк футболчиси апрель ойидаги бешта ўйинда ўз ҳисобига иккита гол ёзиб қўйди, бу голларнинг иккаласи ҳам Чемпионлар лигаси 1/4 финали доирасидаги «Бавария» билан бўлган сафар ўйинига тўғри келди. Бундан ташқари, 21 ёшли футболчи битта голли узатмани амалга оширди.
Бундан олдин Гюлер ушбу совринни октябрь ойида ютган эди. Шунингдек, жорий мавсумда Килиан Мбаппе (тўрт марта), Тибо Куртуа, Федерико Вальверде ва Винисиус Жуниорлар ғолиб бўлишган.
Якшанба куни «қаймоқранглилар» Ла Лига 34-тури доирасида «Эспаньол»га қарши сафар ўйинини ўтказадилар.
