Madridning «Real» klubida aprel oyi yakunlari bo‘yicha jamoaning eng yaxshi futbolchisi aniqlandi. Mukofot yarim himoyachi Arda Gyulerga nasib etdi, deb xabar bermoqda Madrid Zone.
Turk futbolchisi aprel oyidagi beshta o‘yinda o‘z hisobiga ikkita gol yozib qo‘ydi, bu gollarning ikkalasi ham Chempionlar ligasi 1/4 finali doirasidagi «Bavariya» bilan bo‘lgan safar o‘yiniga to‘g‘ri keldi. Bundan tashqari, 21 yoshli futbolchi bitta golli uzatmani amalga oshirdi.
Bundan oldin Gyuler ushbu sovrinni oktyabr oyida yutgan edi. Shuningdek, joriy mavsumda Kilian Mbappe (to‘rt marta), Tibo Kurtua, Federiko Valverde va Vinisius Juniorlar g‘olib bo‘lishgan.
Yakshanba kuni «qaymoqranglilar» La Liga 34-turi doirasida «Espanyol»ga qarshi safar o‘yinini o‘tkazadilar.
