Миланнинг «Интер» клуби марказий ҳимоячиси Алессандро Бастони ҳамон «Барселона»нинг трансфер мақсадлари рўйхатида қолмоқда. «Кўк-анорранглилар»нинг италиялик футболчини сотиб олиш нияти қатъий экани ҳақидаги миш-мишларга қарамай, якуний қарор ҳали қабул қилинмаган.
Ҳозирда Ханс-Дитер Флик ва унинг ёрдамчилари Бастони «Барселона» тизимидаги чап марказий ҳимоячи профилига қанчалик мос келишини ўрганишмоқда.
Журналист Маттео Мореттонинг маълумотларига кўра, агар мураббий «нерадзурри» футболчисини сотиб олишга розилик берса, трансфер Каталония клубига 60-65 миллион еврога тушади.
Бундан аввалроқ матбуотда Алессандро Бастонининг ўзи ҳам «Барселона»га ўтишни истаётгани ҳақида хабарлар тарқалган эди.
