«Манчестер Юнайтед» ҳужумчиси, ҳозирда ижара асосида «Барселона»да тўп тепаётган Маркус Рэшфорд «Тоттенхэм» аъзосига айланиши мумкин, деб хабар бермоқда BBC.

Манба берган маълумотларга кўра, «шпорлар» ҳужумчининг ҳар бир қадамини диққат билан кузатиб боришмоқда ва уни клуб ҳужум чизиғини янгилаш учун потенциал ечим сифатида кўришмоқда. Ушбу келишув фақатгина Лондон жамоаси Англия Премьер-лигасидаги ўрнини сақлаб қолган тақдирда амалга ошиши мумкин, чунки бу йирик харидларни амалга ошириш учун зарур шарт ҳисобланади. Айни дамда клуб турнир жадвалида 18-ўринда бормоқда.

Эътиборли жиҳати шундаки, апрель ойи охирида инсайдер Николо Скира ўзининг X ижтимоий тармоғидаги саҳифасида Рэшфорд «кўк-анорранглилар» билан 2030 йилгача мўлжалланган тўлақонли шартнома борасида келишиб олганини маълум қилган эди. Шунга қарамай, бу «Тоттенхэм»ни тўхтатиб қолмаяпти ва фақат бир ҳолатда — агар жамоа Чемпионшипга тушиб кетсагина, ўйинчини сотиб олиш бўйича таклиф юборилмайди.