Мадриднинг «Реал» клуби ҳужумчиси Килиан Мбаппе, ўзининг юқори самарадорлигига қарамай, жамоадаги муаммоларнинг асосий сабабчиларидан бири сифатида кўрилмоқда. Foot Mercato хабарига кўра, сўнгги вақтларда франциялик футболчи клуб ичида жиддий танқидларга учрамоқда.
«Қаймоқранглилар»нинг айрим ходимлари Мбаппенинг ўйини борасида шубҳа билдиришмоқда, шунингдек, унинг ишга бўлган муносабатидан норозилик ҳам тобора кучайиб бормоқда. Тахминларга кўра, ҳужумчи ўзининг хулқ-атвори билан кийиниш хонасидаги муҳитга салбий таъсир кўрсатмоқда. Манбанинг таъкидлашича, 27 ёшли юлдуз атрофидаги вазият тобора кескинлашиб бормоқда.
Килиан Мбаппе жорий мавсумда «Реал» сафида 41 та ўйинда майдонга тушиб, 41 та гол урди ва 6 та голли узатмани амалга оширди.
