Madridning «Real» klubi hujumchisi Kilian Mbappe, o‘zining yuqori samaradorligiga qaramay, jamoadagi muammolarning asosiy sababchilaridan biri sifatida ko‘rilmoqda. Foot Mercato xabariga ko‘ra, so‘nggi vaqtlarda fransiyalik futbolchi klub ichida jiddiy tanqidlarga uchramoqda.
«Qaymoqranglilar»ning ayrim xodimlari Mbappening o‘yini borasida shubha bildirishmoqda, shuningdek, uning ishga bo‘lgan munosabatidan norozilik ham tobora kuchayib bormoqda. Taxminlarga ko‘ra, hujumchi o‘zining xulq-atvori bilan kiyinish xonasidagi muhitga salbiy ta’sir ko‘rsatmoqda. Manbaning ta’kidlashicha, 27 yoshli yulduz atrofidagi vaziyat tobora keskinlashib bormoqda.
Kilian Mbappe joriy mavsumda «Real» safida 41 ta o‘yinda maydonga tushib, 41 ta gol urdi va 6 ta golli uzatmani amalga oshirdi.
