Лондоннинг «Тоттенхэм» клубига тегишли бўлган нидерландиялик ҳимоячи Микки ван де Вен Англия Премьер-лигасининг бошқа клубига ўтиши мумкин. Бу ҳақда Daily Mail нашри хабар бермоқда.

Манбанинг берган маълумотларига кўра, 25 ёшли футболчини «Манчестер Юнайтед» ўз сафига қўшиб олмоқчи. «Қизил иблислар» ван де Венни ёзги трансфер ойнасида сотиб олишга ҳаракат қилади. Футболчининг бозор қиймати 65 миллион еврога баҳоланмоқда.

Жорий мавсумда нидерландиялик ҳимоячи 40 та учрашувда майдонга тушиб, ўз ҳисобига 7 та гол ва битта голли узатмани ёздириб қўйди. Ҳимоячининг «шпорлар» билан амалдаги шартномаси 2029 йилнинг ёзига қадар мўлжалланган.