Londonning «Tottenxem» klubiga tegishli bo‘lgan niderlandiyalik himoyachi Mikki van de Ven Angliya Premyer-ligasining boshqa klubiga o‘tishi mumkin. Bu haqda Daily Mail nashri xabar bermoqda.

Manbaning bergan ma’lumotlariga ko‘ra, 25 yoshli futbolchini «Manchester Yunayted» o‘z safiga qo‘shib olmoqchi. «Qizil iblislar» van de Venni yozgi transfer oynasida sotib olishga harakat qiladi. Futbolchining bozor qiymati 65 million yevroga baholanmoqda.

Joriy mavsumda niderlandiyalik himoyachi 40 ta uchrashuvda maydonga tushib, o‘z hisobiga 7 ta gol va bitta golli uzatmani yozdirib qo‘ydi. Himoyachining «shporlar» bilan amaldagi shartnomasi 2029 yilning yoziga qadar mo‘ljallangan.