«Ювентус» ҳужумчиси Жонатан Дэвид дебют мавсумида жамоада ўз ўрнини топа олмади. Каналик футболчининг Туринга кўчиб ўтганидан бир йил ўтиб жамоани тарк этиши ҳақиқатга яқин истиқбол сифатида кўрилмоқда.
Инсайдер Николо Скиранинг маълумотларига кўра, Туркиянинг «Фенербахче» клуби ва Англия Премьер-лигасининг исми ошкор этилмаган жамоаси 26 ёшли футболчи бўйича аллақачон сўров юборган.
Эслатиб ўтамиз, Жонатан Дэвид «Ювентус» сафига эркин агент сифатида келиб қўшилган эди, унгача эса Франциянинг «Лилль» клубида тўп сурган. Transfermarkt портали талқинига кўра, ҳужумчининг бозор қиймати 35 миллион еврони ташкил этади, унинг «кекса синьора» билан шартномаси 2030 йилгача мўлжалланган.
