«Yuventus» hujumchisi Jonatan Devid debyut mavsumida jamoada o‘z o‘rnini topa olmadi. Kanalik futbolchining Turinga ko‘chib o‘tganidan bir yil o‘tib jamoani tark etishi haqiqatga yaqin istiqbol sifatida ko‘rilmoqda.
Insayder Nikolo Skiraning ma’lumotlariga ko‘ra, Turkiyaning «Fenerbaxche» klubi va Angliya Premyer-ligasining ismi oshkor etilmagan jamoasi 26 yoshli futbolchi bo‘yicha allaqachon so‘rov yuborgan.
Eslatib o‘tamiz, Jonatan Devid «Yuventus» safiga erkin agent sifatida kelib qo‘shilgan edi, ungacha esa Fransiyaning «Lill» klubida to‘p surgan. Transfermarkt portali talqiniga ko‘ra, hujumchining bozor qiymati 35 million yevroni tashkil etadi, uning «keksa sinyora» bilan shartnomasi 2030 yilgacha mo‘ljallangan.
