Мадриднинг «Реал» клуби бош мураббийи Альваро Арбелоа жамоадаги ҳолат ҳақида ўз фикрларини билдирди. «Қаймоқранглилар» Ла Лига турнир жадвалида иккинчи ўринни эгаллаб турибди ва «Барселона»дан 11 очко ортда қолмоқда.

«Натижалар «Реал»дек клубда бўлиши керак бўлган даражадан анча йироқда. Ҳозирги футболда шунчаки автобусдан тушиб келиш билан ҳеч кимни мағлуб этиб бўлмайди. Биз жамоавий ўйинда сезиларли даражада ўсишга эришишимиз керак. Фақат индивидуал маҳоратга ва ўз истеъдодимизга таяниб ўйнаб бўлмайди. Бизга аниқ режа, тузилма ва рақиб ҳимоясини қандай бузиб ўтиш борасида тушунча керак», — деди Арбелоа матбуот анжуманида.

Якшанба куни, 3 майда «Реал» Ла Лига доирасида сафарда «Эспаньол»га қарши баҳс олиб боради.