«Манчестер Сити» ярим ҳимоячиси Бернарду Силва фаолиятини «Галатасарой»да давом эттириши мумкин.
Туркия клуби, таркибида «шаҳарликлар»нинг бошқа собиқ футболчилари — Лерой Сане ва Илкай Гюндоган тўп сураётган бўлиб, Португалия терма жамоасининг 31 ёшли аъзосига жиддий қизиқиш билдирмоқда ва аллақачон трансфер устида иш бошлаб юборган.
Fotomaç нашрининг маълумотларига кўра, Бернарду «Галатасарой»дан 59 миллион евролик уч йиллик шартнома талаб қилмоқда.
Силва аллақачон «Сити»да ўтказган 9 йиллик фаолиятидан сўнг мавсум якунида жамоани тарк этишини эълон қилган эди.
