"Ливерпуль" клуби "Спортинг" билан марказий ҳимоячи Тиагу Илори трансфери борасида музокараларни давом эттирмоқда. Инглиз клуби 20 ёшли ўйинчи учун 7 миллион евро, шу билан бирга турли ютуқларга эришилган тақдирда бериладиган бонусларни ҳам таклиф этмоқда.
Маълумотларга кўра, "Спортинг" бу футболчисининг кейинги клубга ўтишидан тушадиган даромаднинг ҳам маълум қисмига эга бўлиши мумкин.
Қайд этиш жоиз, Илори "Спортинг" асосий таркибида 2012 йилдан буён ҳаракат қилмоқда. Ўтган мавсумда у Португалия чемпионатининг 11 ўйинида майдонга тушган.