Виктор Дьёкереш Алексис Санчесдан кейин «Арсенал»даги дебют мавсумида 20 тадан ортиқ гол урган илк футболчига айланди.
Эслатиб ўтамиз, чилилик ҳужумчи 2014/15 йилги мавсумда ўз ҳисобига 25 та гол ёздириб қўйган эди.
Дьёкереш АПЛнинг 35-тури доирасидаги «Фулхэм»га қарши ўйинда (1:0, биринчи бўлим) рақиб дарвозасини ишғол қилди. Шу тариқа, ҳужумчининг жорий мавсумда барча турнирларда «канонирлар» сафида киритган голлари сони 20 тага етди.
«Арсенал» ўтган йилнинг ёзида швециялик футболчини «Спортинг»дан 63,5+10 миллион евро эвазига сотиб олган эди.
