Ярим ҳимоячи Поль Погба «Монако»нинг «Мец»га қарши ўйини учун асосий таркибга киритилди (баҳс бир неча дақиқа аввал бошланди). Бу у учун деярли уч йил ичида илк бор асосий таркибда майдонга тушиш бўлди.
Погба охирги марта бирон бир клубнинг асосий таркибида 2023 йилнинг 14 май куни майдонга тушган эди — ўшанда у «Ювентус» сафида «Кремонезе»га қарши ўйнаган. Ўша кундан бери роппа-роса 1083 кун ўтди ва ниҳоят бу воқеа яна такрорланди.
Эслатиб ўтамиз, айни дамда «Монако» Франция чемпионати турнир жадвалида еттинчи ўринни эгаллаб турибди. Клуб охирги марта 2017 йилда, таркибида Килиан Мбаппе бўлган вақтда мамлакат чемпионига айланган эди.
